Pas publikimit të lajmit rreth mundësisë që Holanda po konsideron rikthimin e vizave për shqiptaret, kjo referuar një raporti konfidencial të Policisë dhe Prokurorisë Holandeze, qeveria e këtij vendi ka komentuar në lidhje me këto informacione.
Gazetari holandez Vincent Triest shkruan se “sipas ministrit për Siguri dhe Drejtësi, Stef Blok, në vitin 2016 janë arrestuar 700 shqiptarë në Holandë, krahasuar me 330 në 2015”.
Ne një dokument të hartuar nga ministri holandez konfirmohet se “aktiviteti apo incidentet kriminale me protagonistë shqiptarët nuk janë të lartë në shifra absolute, por që shtetas shqiptarë janë përgjegjes për një përqindje të lartë të krimeve të rënda në Holande”.
Po ashtu ai nënvizon edhe tentativat për kalim të jashtëligjshëm të kufirit nga shqiptarët me destinacion Britaninë.
Ministri gjithsesi e përmend si opsion edhe propozimin për rikthimin e vizave por duhen analizuar saktë më parë të gjitha të dhënat.
Pra thënë ndryshe, “ministri konfirmon kërkesën e Prokurorisë dhe Policisë Holandeze dhe në fund të këtij viti do vendoset nëse dhe Qeveria Holandeze do ti bashkohet kësaj thirrje apo jo”, shkruan gazetari Vincent Triest.
Dokumenti i ministrit holandez shfaqet nëse klikoni KETU.
/a.m.
