Pas turit të llogaridhënies së qeverisë, kryebashkiakët do të nisin takimet me qytetarët.
Elisa Spiropali, sekretarja për bashkëqeverisjen dhe aleancat, njëkohësisht dhe anëtare kryesie, bëri të ditur pas mbledhjes së Kryesisë së PS-së, se pas turit të llogaridhënies së kryebashkiakëve do të bëhet dhe një analizë për të gjithë territorin.
“Krerët e bashkive dhe gjithë ekipet bashkiake do të jenë në territor për t’u takuar me qytetarët për të marrë problematikat në çdo njësi dhe më pas një analizë për qeverisjen lokale në të gjithë territorin”, tha ajo.
Sa i takon vendimit për deputetin e PS-së, Kurbin Gjetan Gjetani, Spiropali pohoi se nuk është diskutuar në Kryesi.
“Ajo që vlen të thuhet sot është që kemi një PS dhe një grup parlamentar që janë kompakt përsa i përket pozicionit tonë qeverisës. Një parti politike dhe një grup parlamentar nuk ekzistojnë si entitete më vete, po vetëm në raport dhe bashkëqeverisje me qytetarët”, deklaroi Spiropali në përfundim të mbledhjes së Kryesisë.
/b.d
