Ndeshja me Izraelin po afron dhe kombëtarja shqiptare po vijon punën e saj. Kuqezinjtë do të kërkojnë që të përsërisin suksesin e arritur përpara disa muajsh ndaj izraelitëve në fushën e këtyre të fundit dhe të harrojnë atë paraqitje të shëmtuar në ndeshjet miqësore me Kosovën dhe Ukrainën gjë që e theksoi edhe Elseid Hysaj.
“Nuk duhet të mendojmë më për ndeshjet miqësore. Kemi dy ndeshje zyrtare shumë të rëndësishme për të zhvilluar. Duhet të jemi të përqendruar dhe nuk duhet t’u japim minuta lojtarëve kundërshtarë si në ndeshjen e parë. Edhe pse kemi luajtur pak, në fushë do të tregojmë karakterin tonë si shqiptarë.
Janë ndeshje të barabarta dhe se i kemi të gjitha mundësitë për të fituar me Izraelin. Kemi mundësi të kualifikohemi, duhet të shfrytëzojmë shanset që na jepen Shiriti? Lorik Canën e kam pasur idhull, unë do të jap maksimumin tim, të shohim se çfarë do të ndodhë”, tha Hysaj.
Për Gjimshitin është e rëndësishme që skuadra të fitojë këto dy ndeshje për të pasur shanse për kalimin e grupit në Nations League.
“Do të mbaj të gjithë peshën e mbrojtjes nëse do të ma kërkojë trajneri, bashkë me Mërgim Mavraj që ka më shumë eksperiencë. Ne që kemi luajtur kundër Izraelit dy ndeshje, e dimë çfarë ekipi është. Do të shikojmë kush janë repartet e tyre më të forta. Ka dy objektiva, të luajmë mirë dhe të kalojmë grupin. Më pas të shikojmë ata që do të vijnë. Ne duam të arrijmë maksimumin”, u shpreh Berat Gjimshiti, futbollist i kombëtares.
a.ç
