Presidenti Donald Trump ka urdhëruar ushtrinë amerikane të krijojë një degë të gjashtë të forcave të saj të armatosura, një “forcë hapësinore” (space force) që do të jenë të pavarura nga forcat ajrore.
Presidenti amerikan tha të hënën se do të mbështesë sigurinë kombëtare dhe ekonominë me krijimin e vendeve të punës.
“Nuk është e mjaftueshme që thjesht të kemi një prani amerikane në hapësirë.
Duhet të kemi dominimin amerikan në hapësirë”, tha Trump në Shtëpinë e Bardhë, raporton BBC.
Ai gjithashtu premtoi se SHBA do të “kthejnë amerikanët në Hënë” dhe do t’i dërgonin njerëzit në Mars.
“Unë po e drejtoj Departamentin e Mbrojtjes dhe Pentagonin që menjëherë të fillojë procesin e nevojshëm për të krijuar një forcë hapësinore si dega e gjashtë e forcave të armatosura”, tha Trump.
Ai tha gjithashtu se do të ishte e papranueshme të lejohej që Kina apo Rusia të çonin në hapësirë dhe ai do të drejtonte agjencitë federale për “të zbatuar një kornizë më moderne të menaxhimit të trafikut hapësinor”.
Detajet se si do të dukej një forcë e re e hapësirës dhe çfarë do të bënte nuk ishin të qarta.
Megjithatë, Kongresi Amerikan do të duhej të kalojë një ligj që e autorizonte atë para se një degë e re e ushtrisë të krijohej.
a.ç
