Mbledhja Komisionit të Medias dhe Edukimit ku në rend ditë ishte dëgjesa me ministren Kumbaro për godinen e Teatrit Kombëtar, është shëndërruar në një séance me kaos dhe incidente.
Prania e kreut të bashkisë së Tiranës, Erion Veliaj në këtë mbledhje nuk është pritur mirë nga deputetet e PD.
Kryetarja e komisionit, Albana Vokshi kërkoi daljen jashtë te Veliajt pasi sipas saj, ai nuk ishte I ftuar në këtë seancë për Teatrin Kombëtar. Ai ndërpreu mbledhjen dhe tha se nuk do të vazhdonte pa dalë Veliaj jashtë. 
Por kryetari I bashkisë së Tiranës iu përgjigj Vokshit duke deklaruar se nuk kishte shanse që, ajo ta largonte nga mbledhja e komisionit.
Kjo ka sjelle dëgjenerimin e situatës pasi deputetet e tjerë të PD, Ervin Salianji, Flamur Noka dhe Klevis Balliu kanë tentuar të kapin me duar Erion Veliajn për ta nxjerre jashtë, cka ka sjelle reagimin e fortë te deputeteve të mazhorancës, kryesisht Ilir Beqjas dhe Fidel Yllit.
Salla e mbledhjes së komisionit të medias dhe edukimit është kthyer në një arene shtyrjesh, ofendimesh dhe kërcënimesh mes palëve.
***
Kryebashkiaku i Tiranës, Erjon Veliaj dhe ministrja e Kulturës, Mirela Kumbaro janë sot prezentë në një seancë dëgjimore në Komisionin e Medias në Kuvend për çështjen e Teatrit.
Mbledhja ka nisur me debate të ashpra mes kryetares së komisionit Albana Vokshi dhe kryebashkiakut Veliaj. Sipas Vokshit dëgjesa ishte planifikuar vetëm me Kumbaron, por Veliaj tha se ka ardhur me ftesë të deputetëve
Tonet mes tyre janë ngritur mjaft lartë aq sa Vokshi ka kërkuar që të nxirret jashtë kryebashkiaku Veliaj. Pas tensioneve seanca është ndërprerë.
Me rifillimin e seancës, Veliaj ka refuzuar të dalë. Pas debateve dhe ofendimeve deputeti i PD Flamur Noka i është afruar Veliajt dhe ka tentuar ta largojë me forcë. N♪7 sallë është krijuar kaos.
Kryetarja e Komisionit Vokshi ka kërkuar nga kreu i Kuvendit Ruçi të reagojë pasi sipas saj Garda nuk po zbaton urdhrin për nxjerrjen e Veliajt.
DEBATI
Vokshi: Dëgjesa me Veliajn do mbahet nesër, jo sot. Kudo ju çon Rama çift.
Veliaj: Po gënjen…
Vokshi: S’më thua dot ti gënjen
Veliaj: Siç po gënjen për çdo project.
Vokshi: Me mua lëre arrogancën.
Veliaj: Kë pasion të bëhesh aktore, dështove të bëhesh aktore dhe ke sjell Teatrin në parlament.
Ti nuk e meriton, unë erdha të të respektoj.
Vokshi: Ca meritoj unë e dinë ata që më kanë votuar. Këtu jam unë, jo juve. Këtu nuk e bën dot arrogantin. Fike mikrofonin se me mua nuk ia dela dot. Qëndro në nivelin e një kryetari bashkie, mos trego arrogancë.
Vokshi: Fik mikrofonin se do të nxjerr përjashta. Dëgjesa ishte planifikuar me Kumbaron. Erdhe se nuk do të lësh ministren vetëm. Nxirrni Veliajn jashtë!
Veliaj: Çdo gjë që sulmoni del më e bukur. Më ftove dhe erdha, tani më thua ik. Erdha për respekt në Komision, më thua ik. Në komision më ftoi 1/3 e grupit. Nesër nuk mund të vij në Komision.
Vokshi: Thojini më të heshti. Nuk të del 24 orë me mashtrimet e tua. O z. Veliaj, do thërras oficerët t’ju nxjerrin përjashta. Ndërpritet mbledhja e komisionit deri sa të heshti kryetari i Bashkisë.
Ekonomi: Nuk del dot përjashta se e ka thirrur mazhoranca. Ke 11 firma që të thirret Veliaj këtu.
/a.m.
