Bayern Munichu humbi përballjen e parë çerekfinale në Ligën e Kampionëve ndaj Real Madridit në shtëpi, dhe sipas trajnerit të klubit gjerman, Carlo Ancelotti ishin detajet ato që vendosën këtë ndeshje.
1 me 2 ishte rezultati final i ndeshjes së zhvilluar në “Allianz Arena”, transmeton Koha.net.
Për Bayernin shënoi Vidal, kurse dy golat për “Los Blancos” i shënoi Cristiano Ronaldo.“Detajet e vogla e bënë diferencën. Humbëm penaltinë kur mund të kishim epërsinë 2-0.
Pastaj pranuam me të filluar pjesa e dytë, dhe kjo e ndryshoi takimin. Cirstiano vendosi takimin.
Mendoj se e kontrolluam atë shumë mirë deri te kartoni i kuq. Java e ardhshme do të jetë e vështirë, por jemi ende gjallë dhe do të shikojmë të përfitojmë nga shanset tona. Do të japim më të mirën”, është shprehur Ancelotti, përgatiti Koha. (b.an)
