Avokati Idajet Beqiri thotë se ish kryeministri Sali Berisha rrezikon deri në 12 vjet burg për aferën “Partizani”.
Në një intervistë për “Tirana Live” në ABC News, Beqiri u shpreh se “Partizani” është aferë korruptive e dukshme dhe e provuar.
“Në fakt, duket që është një taktikë veprimi e avokatëve, gjejnë sebepe, ata i dinë si t’i parashtrojnë. Sebepe për ta shtyrë gjyqin. Duke thënë që kemi ende fashikuj pa lexuar të dosjes, gjykata u jep një farë kohe. Gjykata do veprojë dhe nuk ka çfarë bën në këto kushte. Zvarritja është e qëllimshme, sepse Berisha do që të jetë sa më gjatë në arrest shtëpie. Sa më shpejt mbaron gjyqi, aq më shpejt shkon në burg. Kjo është kryesorja. Por nuk gjendet mjeti i duhur. Nuk bëhet me zvarritje kjo punë. Partizani është një nga dosjet. Është e dukshme, aferë korruptive, e ka dënimin deri në 12 vite burg për Berishën. Dhëndri i tij ka dy vepra penale, e ka dënimin deri në 15 vite burg. Të dy këta do shkojnë në burg. Nuk ka lidhja mosha me dënimin me burg. Është lehtësuese, por jo që nuk do shkosh në burg. Është aferë e dukshme. Provat janë. Mbi këta rëdnojnë afera të rënda korruptive. Dosja e 21 janarit, Berisha do merret e pandeudr. Vrasja e Tropojës, Berisha do merret i pandehur, për 195 vrasje, veçanërisht për vrasjet e Haklajve. Hetimet janë në vazhdim e sipër, janë marrë dëshmitarë të rëndësishëm. Ajo dosje, thuajse është e gatshme. Dëshmitarë okularë. Dëshmitarët edhe pse u vra Sokoli, kushëriri i parë i Haklajve”, theksoi ai.
