onservatori François Fillon, kandidat i së djathtës dhe favorit në fushatën presidenciale franceze shpreson të qetësojë sot stuhinë e kritikave të ngritura nga dyshimet për një punësim fiktiv që shënjestron bashkëshorten e tij, duke ofruar copëza sqaruese për drejtësinë.
E përjavshmja “Le Canard enchaîné” publikoi dje se Penelope Fillon, me origjinë nga Uellsi që gjithnjë është paraqitur si një grua shtëpiake, ishte paguar për 8 vite si këshilltare parlamentare e bashkëshortit të saj më pas në postin e zëvendëses së tij në Asamblenë Kombëtare mes viteve 1998 dhe 2012.
Praktika nuk është e paligjshme, vetëm nëse bëhet fjalë për një punësim fiktiv, për këtë arsye Juridiksioni ligjor dhe financiar i Parisit synon të zbardhë me anë të një hetimi paraprak për përvetësim të fondeve publike, abuzim i pronës shtetërore dhe fshehje.
Një ditë më parë François Fillon premtoi se do të ndërmerrte çdo gjë për të përgënjeshtruar thashethemet dhe shpifjet. Ish-kryeministri i Nicolas Sarkozy premtoi të prononcohej sot në mbrëmje në emisionin e lajmeve në TFI, në orën 20:00, një rubrikë e zakonshme për shikuesit francezë.
