Ka reaguar edhe Lulzim Basha lidhur me heqjen e mandatit të Kokëdhimës. Ai përshëndeti vendimin e Gjykatës Kushtetuese duke e konsideruar si një “triumf të ligjit dhe drejtësisë”.
“Vendimi i Gjykatës Kushtetuese për heqjen e mandatit të Koço Kokëdhimës është një triumf i ligjit dhe i drejtësisë, edhe pse paligjshmëria dhe zullumi i oligarkëve është i pamatë e i pafund, e nuk mbaron me të dekretuarin prej Ramës si kryeministri i Jugut. Megjithatë, kjo është një betejë e fituar e Kushtetutës me shkelësin e saj, e ligjit me abuzuesin, e Partisë Demokratike me oligarkun, e qytetarëve me hajdutin. Ky është vendim drejtësie në Ditën e Europës.” – THA Basha. (javanews.al / a.r)
