Falë kolegëve të përbashkët që kishin, ata u njohën me njëri- tjetrin 19 vite më parë. Në korrik të vitit 1997 ata kishin kurorëzuar dashurinë e tyre me martesë, që për shkak se Hashim Thaçi ndiqej nga regjimi serb, ceremonia e martesës u realizua në Zvicër. Në një video të bërë si pjesë e fushatës së kaluar zgjedhore, Lumnije Thaçi, tani zonja e parë, tregon se si u njoh për herë të parë me presidentin Thaçi, shkruan Magazina.al. Ajo ka treguar se shokët e Thaçit i kishte kolegë dhe falë tyre ka takuar edhe Thaçin, që sipas saj më pas ai u dashurua në të.
