Muralja e yllit argjentinas Leo Messi në kryeqytet ka përfunduar dhe tashmë fansat e tij mund ta shohin çdo ditë. Vepra qe mban firmën e Artistit Maximiliano Bagnasco është 25 metra e gjatë.
Muralja e Messit në fasadën e godinës së konvikteve të mjekësisë, tërheq vëmendjen e kalimtarëve, të cilët nuk ngurrojnë ta fotografojnë.
“Fantastike, është shumë e bukur. E vërteta është që nuk e prisja që ta shikoja këtu kampionin e botës, un vet jam nga Barcelona. Është një punë e jashtëzakonshme, i jap notën 10 artistit”, tha turisti spanjoll.
Muralja e Messit ne vendin tonë ka bërë jehonë edhe në mediat ndërkombëtare, që i kanë kushtuar artikuj murales së veçantë.
Artisti argjentinas Maximiliano Bagnasco është i njohur për muralet në shumë vende të botës ku ndër to spikat ajo e Diego Maradonës në Napoli.
/f.stafa
