Turqia nuk do ta miratojë zyrtarisht anëtarësimin e Finlandës dhe Suedisë në NATO derisa të dy vendet të ndërmarrin “hapat e nevojshëm.” Është ky qëndrimi që presidenti turk, Recep Tayyip Erdogan, i ka komunikuar shefit të aleancës, Jens Stoltenberg.
Agence France-Presse raportoi të premten:
Presidenti Erdogan vuri në dukje se hapat që do të ndërmerren nga Suedia dhe Finlanda do të përcaktojnë se sa shpejt do të shkonte procesi i miratimit … dhe kur do të përfundonte.
Ankaraja ka akuzuar dy vendet nordike për sigurimin e një strehë të sigurt për militantët kurdë të jashtëligjshëm që i konsideron “terroristë” dhe ka ndaluar ratifikimin e anëtarësimit të tyre në NATO, pavarësisht një marrëveshjeje në qershor.
Erdogan dhe Stoltenberg zhvilluan një takim privat të premten në Stamboll, i cili ishte me dyer të mbyllur për median.
Finlanda dhe Suedia hoqën dorë nga mos-angazhimi ushtarak për dekada dhe u zhvendosën në maj për t’u bërë anëtarë të NATO-s, pasi Rusia pushtoi Ukrainën.
/e.d
