Detaje të reja kanë dalë pasditen e sotme nga aksidenti i rëndë i ndodhur në Gjirokastër.
Bëhet me dije se autobusi i linjës Dropull-Kakavijë është përplasur me një makinë dhe më pas me një tjetër autobus.
Mësohet se autobusi i linjës Dropull-Kakavije, që drejtohej nga 45-vjeçari G. D., është përplasur me automjetin tip “Benz”, që drejtohej nga 36-vjeçari A. Sh., 36 vjeç dhe me një autobus që drejtohej nga Th. D., 37 vjeç.
Për pasojë kanë mbetur të dëmtuar drejtuesi i autobusit G. D., drejtuesi i automjetit “Benz”, A. Sh. dhe djali i tij i mitur, të cilët u transportuan në Spitalin Rajonal Gjirokastër, për të marrë ndihmën mjekësore.
Në vendngjarje ndodhet grupi hetimor, i cili po punon për zbardhjen e shkaqeve të aksidentit./m.j
