Familjarët e Bledi Angjos, një prej tre të arrestuarve si autorë të krimit makabër në Maliq, ku i morën jetën duke e mbytur me litar dhe më pas hedhur në liqen 26-vjeçarit Martin Çeço, kanë folur për mediat!
Bledi Angjo autori i dyshuar i vrasjes sipas hetimeve kishte lidhje me vajzën e mitur që së fundmi ishte lidhur me Martin Çeçon.
Babai i Angjos, i cili u arrestua së bashku me dy kushërinjtë Valter Mollaj dhe Edlir Mollaj, ka thënë se ai punonte si çoban në Korçë dhe ka patur probleme edhe më parë me forcat e rendit.
“Kam 4 fëmijë, një e kam në Tiranë, Bledi në Korçë, punonte si coban. S’kam folur me Bledin, më shumë fliste çupa, jam në dijeni që e kanë arrestuar.
Vinte këtu por jo shumë shpesh, ka patur probleme edhe më përpara me policinë, e kanë marrë njëherë e ngatërruan, u dënua 4 muaj e akuzuan se kishte ngacmuar një çupë. Nuk është i fejuar por ka patur të dashur”, ka rrëfyer i ati i tij./m.j
