Ndeshja finale e conference league që do të zhvillohet më 25 maj në Tiranë ka sjellë fluks rezervimesh në hotele nga tifozeritë e Romës dhe Fejnordit.
Jo vetëm në kryeqytet, po dhe në Durrës një pjesë e hoteleve nuk kanë më dhoma në dispozicion për datat 24-25 maj, ndërsa hotele të tjera janë në rezervim e sipër.
”Situata është shumë e mirë. Hoteli është komplet i rezervuar, 120 dhoma, nga skuadra e Feynoord–it, familjarët dhe shoqëria e tyre. Është një grup që ka rezervuar të gjithë hotelin. Ne kemi privilegjin të akomodojmë futbollistët dhe njerëzit e tyre. Të gjithë hollandezë”, shprehet Blerim Norja, administrator hoteli.
Tifozëria që akomodojnë duket se do të diktojë dhe preferencat e strukturave hoteliere për skuadrën fituese të kësaj finaleje.
