Presidenti ukrainas, Vlodymyr Zelensky, u ka bërë thirrje nënave ruse të premten që të mos dërgojnë fëmijët e tyre në fushëbetejë dhe të jenë të vëmendshme për vendndodhjen e tyre.
Zelensky u ka thënë atyre përmes një video-adresimi: Mos i dërgoni fëmijët tuaj në luftë në një shtet të huaj”.
Ai ka thënë që të mos besohen premtimet se fëmijët do të dërgohen diku për stërvitje, apo në kushte joluftarake, dhe që të veprojnë menjëherë nëse ka dyshime se do të nisen drejt Ukrainës.
“Dua t’ua them këtë edhe një herë nënave ruse, veçanërisht nënave të rekrutëve. Mos i dërgoni fëmijët tuaj në luftë në një vend të huaj. Mos i besojnë premtimeve se do të dërgohen diku për stërvitje ose kushte jo luftarake, të veprojnë menjëherë nëse ka dyshime se ata po dërgohen për të luftuar në Ukrainë“, ka thënë presidenti i Ukrainës.
Ky adresim vjen pasi Rusia ka pranuar të mërkurën, për herë të parë, prezencën e rekrutëve në mesin e forcave të saj në Ukrainë – shumica prej të cilëve nuk kanë qenë të trajtuar për luftë – dhe se disa prej tyre janë zënë.
g.kosovari
