Stefano Pioli është zyrtarisht një trajner i Milanit. Lajmi konfirmohet nga faqja zyrtare e klubit kuqezi, që i ka besuar ish-trajnerit të Fiorentinës, Interit dhe Lazios për dy vitet e ardhshme.
“AC Milan njofton emërimin me efekt të menjëhershëm të Stefano Pioli si trajnerin e ri të ekipit të parë,” lexohet në deklaratën e klubit.
“Jam entuziast për këtë aventurë. Më kontaktoi një nga klubet më prestigjioze në botë. Jam i bindur që mund të bëj një punë të shkëlqyer, së bashku me drejtuesit që besuan te unë”, ishin fjalët e tij të para si trajneri i Milanit.
Pioli bëri edhe një koment për tifozët e Milanit të cilët e kanë kritikuar për deklaratat kur trajneri drejtonte Interin: “E kaluara është e kaluar, unë jam një profesionist, me dëshirën e madhe për të bërë mirë. Gjykimet mi jepni në fushë, jo se si kam qenë unë si fëmijë.”
Pioli zëvendëson Marco Giampaolo, i cili u shkarkua të martën pas vetëm 111 ditësh në ecurinë aspak pozitive të kuqezinjve. 53-vjeçari është një figurë e respektuar në futbollin italian pas eksperiencave në Seria A me klubi si Parma, Chievo, Bologna, Lazio, Inter dhe Fiorentina.
Ai drejtoi kryeqytetasit e Lazios drejt fazës play-off të Champions League në vitin 2015, ndërsa u vlerësua për harmoninë e krijuar te Fiorentina pas vdekjes së kapitenit, Davide Astori vitin e kaluar.
Emërimi i Piolit është pritur me protesta nga grupimi Ultras i tifozëve të Milanit, pasi ka një rekord negativ, ku në 16 vite si trajner nuk ka fituar asgjë. 64 vjeçari bëhet trajneri i nëntë i “Djallit” në 5 vitet e fundit dhe i teti që ka përfaqësuar të dy klubet e “San Siros”, Inter e Milan.
g.kosovari
