Një 33-vjeçar nga Vlora është arrestuar nga policia, pasi në bashkëpunim me 2 shtetas të vënë në pranga më herët, ka kryer 8 vjedhje gjatë muajit janar. Ndërkohë, vijon puna për dokumentimin e vjedhjeve të tjera që mund të jenë kryer nga këta shtetas.
Njoftimi i policisë:
Nga specialistët për Hetimin e Krimeve të Komisariatit të Policisë Vlorë u bë ndalimi i shtetasit të shpallur në kërkim A. R., 33 vjeç, banues në Vlorë, për veprën penale “Vjedhja”.
33-vjeçari ishte i kërkuar në kuadër të operacionit “Storm”, të finalizuar nga Komisariati i Policisë Vlorë, pasi në bashkëpunim me 2 shtetas të vënë në pranga më herët, dyshohen se janë autorë të 8 rasteve të vjedhjes, në qytetin e Vlorës, gjatë muajit Janar. Vijon puna për dokumentimin e vjedhjeve të tjera që mund të jenë kryer nga këta shtetas.
Materialet iu referuan prokurorisë, për veprime të mëtejshme.
/e.d
