“Që të jesh sot një i ri, pasues i këtyre djemve të dhjetorit 1990, nuk mjafton të jesh në partinë që doli prej asaj lëvizjeje. Që të jesh i denjë për aspiratën e tyre, do të thotë që me flamurin në zemër dhe Europën në mendje, të ndjekësh një vizion të së ardhmes që sot për sot s’ka asnjë lidhje me atë parti. Që të protestosh sot në emër të rinisë, duhet në fund të fundit të mos negociosh lirinë tënde për llogari të partisë që lirinë e ka vetëm fjalë në majë të gjuhës dhe padyshim, të jesh i ditur të paktën sa ata kundër të cilëve proteston.
Respekt për të gjithë ata të dhjetorit të vërtetë😀🇦🇱”.
Kështu shkruante dje në darkë kryeministri Edi Rama, që kujtonte 8 dhjetorin. Disa komentues i kujtojnë edhe përfshirjen e tij, ndërsa një prej tyre shkruan se Rama, Azem Hajdari dhe Spartak Ngjela kërkonin të reformonin PD-në në ’93-n. Por, Rama thotë se kjo nuk është e vërtetë, pasi ai thjesht kishte shoqëri me ta.
ma.me
