Në ditën e 74 të luftës Rusia nuk po i ndal sulmet në Ukrainë. Një shkollë në Lugansk u bombardua nga ushtria ruse, ku u regjistruan 2 viktima, ndërsa nën rrënoja kanë mbetur rreth 60 civilë. Në të gjitha rajonet e Ukrainës po raportohet për sirena sulmi.
Të gjithë civilët u evakuuan nga fabrika e çelikut Azovstal në Mariupol. Operacioni i evakuimit filloi një javë më parë, i koordinuar nga OKB dhe Kryqi i Kuq. Forcat ukrainase po qëndrojnë në fabrikën e bombarduar, pjesa e fundit e qytetit që nuk është nën kontrollin rus. Rusia ka rrethuar fabrikën për javë të tëra, duke kërkuar dorëzimin e mbrojtësve të saj nga batalioni Azov.
Presidenti ukrainas Volodymyr Zelensky bëri me dije se 300 civilë ishin shpëtuar nga uzina, megjithëse Ministria ruse e Mbrojtjes dha një numër shumë më të ulët, duke thënë se 51 persona ishin evakuuar gjatë një periudhe prej tre ditësh.
Zelensky tha se përpjekjet diplomatike po vazhdojnë për të nxjerrë personelin ushtarak nga Mariupol.
g.kosovari
Civilët në Azovstall i nxorën rusët ,nën komandën e OKB dhe Kryqit të Kuq.Pra rusët,jo Zelenski.Rusët ndihmuar përfaqësuesit e OKB për t’i sistemuar civilët nëpër autobusë dhe pastaj nëpër çadrat e përkohshme të ngritura nga Kryqi i Kuq,apostafat për t’a.Sa mirë do kish bërë OKB dhe Kryqi i Kuq t’a kishte bërë për civilët në Iran El Salvador Granada Panama Bosnja Sudan, Libi Siri Tunizi Marok Afganistan Vietnam Hiroshima Nagasaki Kore Guatemala Indonezi Kuba etj Duhet një OKB përfaqësuese me qendër në një vend neutral dhe jo në Nju Jork