Nga Keith Koffler, NBC News
Shpesh vlen më shumë të shohësh çfarë bën Trump-i, se sa të dëgjosh çfarë thotë ai.
Presidenti Donald Trump çaloi në reagimet e hershme ndaj COVID-19. Ai e minimizoi rrezikun fillimisht, duke thënë se koronavirusi aktual “do të zhdukej si me mrekulli”. Ai fajsoi administratën paraardhëse për mungesën e testeve dhe paisjeve mbrojtëse mjeksore , megjithëse kishte 3 vjet që ishte në krye të administratës së vet.
Sidoqoftë Trump-i ka disa merita në luftën ndaj pandemisë, që disa nuk i shohin ose nuk duan ti shohin. Por që t’i shohësh ato, nuk duhet t’ua vësh shumë veshim “bombave” që lëshon çdo ditë në konferencat e shtypit apo në Tëeeter, të cilat mund të përqeshen apo kritikohen lehtësisht. E rëndësishme është të analizohet çfarë ka bërë mirë Trump-i gjatë pandemisë. Ja 7 prej tyre:
- Presidenti po dëgjon ekspertët. Pavarsisht se instikti politik dhe këshillat e politikanëve e kanë tërhequr drejt moskarantinimit, vendimet e tij në përgjijge të pandemisë janë ndikuar kryesisht nga këshillat e dy doktorëve të famshëm Anthony Fauci dhe Deborah Birx.
- Presidenti po komunikon me kombin rregullisht. Po të lësh mënjanë narcisizmin e tij gjatë konferencave të shtypit apo deklaratat që ndonjëherë të habisin, komunikimet e përditshme të presidentit dhe shtabit të tij të pandemisë me mediat u kanë dhënë mundësinë amerikanëve të ndjekin cdo ditë informacionet dhe këshillat më të fundit.
- Presidenti nuk po e tejkalon pushtetit që i jep kushtetuta në marrëdhëniet me shtetet e federatës, megjithese për një çast pretendoi se ka pushtet absolut (por të nesermen u tërhoq nga ajo deklaratë). Pavarsisht mosmarrveshjeve me guvernatorët demokratë të shteteve, deri më sot Presidenti ka shërbyer si një ndërmjetës mes qeverive lokale dhe industrisë, për të furnizuar me paisjet e nevojshme mjeksore. Ndërkohë, qeveria federale deri më sot ka lëshuar udhëzime për karantinimin dhe daljen graduale prej tij, por jo urdhëra ndaj qeverive lokale.
- Presidenti po mundohet të balancojë shqetësimet për shëndetin e njerzve me shqetësimet për ekonominë. Megjithëse rizgjedhja e tij në nëntor mund të përcaktohet nga gjendja e ekonomisë deri atëherë, ai e pranoi këshillën dhe garfikët që i paraqitën Fauci dhe Birx, për të mos e mbaruar karantinët për Pashkët (më 12 prill).
- Mesazhi i Presidentit ka qenë vazhdimisht pozitiv. Edhe pse në fillim ishte i egazgjeruar (dhe i përqeshur) opitimizmi i tij, me rëndimin e situatës së vdekjeve, mesazhi pozitiv që ka ardhur vazhdimisht nga Shtëpia e Bardhë dhe përgëzimet e vazhdueshme që u ka bërë “luftëtarëve të vijës së parë të frontit” (si personeli mjeksor, punonjësve të supermarketeve, policëve etj.) kanë ndikuar pozitivisht në gjendjen shpirtërore të kombit.
- Qeveria qendrore po i ndihmon shtetet e federatës. Është e vërtetë që ai i ka përplasur disa herë “shpatat retorike” me disa guvernatorë demokratë, por guvernatorë demokratë të shteteve të mëdha si Neë York dhe California e kanë vlerësuar bashkëpunimin me Trump-in. Ai në fakt, është në telefon pothuaj non-stop, për të kordinuar punën me qeveritë lokale në luftën ndaj pandemisë.
- Trump-i emëroi zv.Presidentin Pence në krye të task-forcës për pandeminë. Ai mund të kishte emëruar një “car të coronavirusit” ose t’ia ngarkonte këtë detyrë një anëtari të kabinetit të tij, por zëvendësi i Trump-it nuk mund të injorohet lehtë nga burokratët e mesëm. Kur të jep një udhër zv.presidenti, thjesht duhet ta zbatosh!
(Marrë me shkurtime nga faqja e internetit të televizionit amerikan NBC News)
