Në Platformën Elektronike të Regjistrimit (PER) që nga 11 janari deri sot kanë bërë kërkesë për t’u regjistruar për të marrë pjesë në zgjedhjet parlamentare të 11 majit, 239 992 shtetas shqiptarë.
Këto janë shifrat e fundit të bëra publike nga Komisioni Qendror i Zgjedhjeve deri sot në orën 19:22, ndërsa aplikimi do të jetë i hapur deri më datë 4 mars.
Sipas të dhënave të KQZ-së janë miratuar 195 387 kërkesa dhe janë refuzuar 99 625 të tilla.
Gjithashtu janë bërë 298 249 kërkesa për regjistrim gjithsej, janë shqyrtuar 295 012 kërkesa dhe 3 186 janë në shqyrtim.
Kërkesat për regjistrime janë nga vende të ndryshme të botës. Numri më i lartë i kërkesave për regjistrim të miratuara është nga Italia me 119 003, e ndjekur nga Greqia me 84 993, Gjermania me 30 777 si dhe nga SHBA me 19 678 e Britania e Madhe 17 044.
Sa i takon qarqeve, numri më i lartë i kërkesave për regjistrim të miratuara është nga qarku i Tiranës me 59 165, e ndjekur nga Fieri me 39 965 si dhe nga Elbasani me 32 662.
Procesi për regjistrimin në Platformën Elektronike të Zgjedhësve (PER) ka filluar në 11 janar dhe do të zgjasë deri në datën 4 mars.
