Antidjersa është një ndër produktet më të rëndësishme kozmetike, si për burrat, ashtu edhe për gratë, e cila ndihmon në reduktimin e djersitjes në sqetulla, si dhe në eliminimin e aromës së pakëndshme të trupit. Por mendoni se dini gjithçka që nevojitet në lidhje me antidjersën që përdorni?
1. Antidjersa vret bakteret
Djersa është pothuajse pa erë. Ajo çka krijon aromën mbytëse është përqendrimi i lartë i baktereve në lëkurë, sidomos te pjesa e sqetullave. Deodoranti përmban disa agjentë antibakterialë që neutralizojnë këto baktere.
2. Deodoranti ul, por nuk e ndalon djersitjen:
Sipas FDA, deodorantët që “premtojnë” mbrojtje 24 orëshe, ofrojnë vetëm 20% reduktim të djersitjes. Ndërsa ata ekstra-efektivë, jo më shumë se 30%. Për këtë arsye, është mirë që të ndryshoni markë 3-4 herë në vit. Nëse ju përdorni vazhdimisht të njëjtën markë, ka shumë gjasa që trupi juaj të krijojë njëfarë “imuniteti” ndaj tij. Në rast se ndryshoni kompanitë e prodhimit çdo 2-3 muaj, është e sigurt që nuk do të përballeni kurrë me probleme të tilla.
3. Antidjersa është unisex
I vetmi ndryshim midis antidjersës për meshkuj dhe asaj për femra është aroma dhe paketimi. Përtej kësaj, përbërësit janë thuajse të njëjtë.
4. Njollat e verdha mbeten një “mister” i pazgjidhur
As vetë kompanitë e prodhimit të këtyre produkteve nuk kanë arritur të gjejnë arsyen e shfaqjes së njollave të bardha e të verdha në rroba. Teoria thotë se përbërësit me bazë aluminin, të cilët përfshihen në më të shumtën e deodorantëve, reagojnë disi me djersën, lëkurën, pëlhurat, ose mbetjet e pluhurit larës, duke krijuar kështu njollat. Prandaj në qoftë se nuk doni të rrezikoni, zgjidhni ato produkte që nuk kanë si bazë aluminin.
