Fillimisht u raportua si vetëvrasje, por hetimet e prokurorisë kanë zbuluar të tjera detaje rreth vdekjes së 36-vjeçarit Bensik Pudja, trupi i pajetë i të cilit u gjet i pajetë disa ditë më parë në Shën Gjergj.
Verifikimet e prokurorisë dhe ekspertiza vërtetoi se 36-vjeçari ishte vrarë nga persona të tjerë të cilët ishin përpjekur të fshihnin provat dhe ngjarje të dukej si vetëvrasje. Një pistë e tillë u deklarua edhe nga babi i viktimës e cili deklaroi se djalin ja vranë për drogën.
Ndërkohë, mësohet se policia ka ndaluar dy persona të cilët paraprakisht hetohen për fshehje të ngjarjes. Ata janë Alges Liçi dhe Dritan Buzo. Këta persona kërkoheshin prej 3 ditësh dhe ishin të pranishëm kur Pudja u vra. Ata dëshmuan se ai u vetëvra por nuk sqarojnë se pse nuk raportuan ngjarjen.
Dyshohet se ata po ndërtonin një magazinë për bimë narkotike me viktimën. Ndëkorhë, 19-vjeçari Alges Liçi mbeti i plagosur në shpatull me të të njëjtin plumb që i mori jetën Bensik Pudjas. Policia është vënë në kërkim të një tjetër personi që mund të ketë dijeni për ngjarjen./a.m.
