Një 31-vjeçar shqiptar është arrestuar nga policia greke në Athinë për përdhunim të një vajze shqiptare.
Sipas autoriteteve greke, shqiptari dhe 22-vjeçarja ishin njohur në një lokal nate në zonën e quajtur “Gazi” në Athinë.
Në bazë të denoncimit të vajzës shqiptare, 31-vjeçari i kishte hedhur në pije një substancë duke e dehur 22-vjeçaren. Më pas ai ishte ofruar për ta shoqëruar për në shtëpinë e saj, por në fakt e çoi në hotel ku dhe abuzoi seksualisht me të.
Ndaj 31-vjeçarit shqiptar është ngritur akuza e përdhunimit dhe posedimit të drogës. Substanca që i kishte hedhur në pije 22-vjeçare ishte një lloj droge. Ai ka qenë i skeduar nga policia greke, pasi ka qenë i akuzuar për trafik droge në Athinë.
