Në Shtetet e Bashkuara, nga sëmundja e zemrës vdesin rreth 600 mijë njerëz çdo vit, ndërsa sëmundjet e zemrës vazhdojnë të mbeten shkaku kryesor i vdekjes për shumë burra dhe gra. Disa nga kushtet shëndetësore, stili i jetës suaj, mosha dhe historia e familjes suaj, kanë të bëjnë me rrezikun për sëmundjet e zemrës. Por, tre faktorët kryesorë që rrezikojnë zemrën tuaj janë: presioni i lartë i gjakut, kolesteroli i lartë, dhe diabeti.
Presioni i lartë i gjakut
Tensioni i lartë i gjakut është një faktor i madh në rrezikimin e zemrës suaj. Sipas mjeksisë, kjo ndodh kur presioni i gjakut në arteriet tuaja dhe enët e gjakut kanë presion të lartë. Presioni i lartë i gjakut nëse nuk kontrollohet mund të ndikojë në zemër dhe në organet tjera, duke përfshirë veshkat dhe trurin tuaj, transmeton Gazeta Blic.
Tensioni i lartë i gjakut është quajtur shpesh një “vrasës i heshtur”, sepse shumë njerëz nuk e vërejnë simptoma për të sinjalizuar presionin e lartë të gjakut.
Kolesteroli i lartë
Kolesteroli i lartë mund të dërgojë në ngushtimin e arterueve dhe mund të zvogëlojë rrjedhjen e gjakut në zemër, tru, veshka dhe në pjesët e tjera të trupit.
Kolesteroli i lartë është shumë i rrezikshëm për zemrën tuaj, prandaj duhet gjithmonë që të mbahet nën kontroll. Mjafton një test gjaku dhe mund të dini nivelin e kolesterolit në gjakun tuaj.
Diabeti
Gjithashtu edhe diabeti luan rol të rëndësishëm në sëmundjet e zemrës. Trupi i njeriu ka nevojë për glykozë, për energji.
Rreziku i vdekjes nga zemra pë rata që janë të sëmurë me diabet është katër herë më i lartë sesa te ata që nuk janë të sëmurë nga diabeti, transmeton Gazeta Blic.
Prandaj, njerëzit që kanë diabet duhet të bëjnë kontrolla të vazhdueshme te mjeku, në mënyrë që të parandalohet rreziku i sëmundjeve të zemrës. /Gazeta Blic/
