Tre aksidente kanë ndodhur në Korçë ku policia ka arrestuar 3 shkakatarët e këtyre ngjarjeve. Dy prej tyre rezultuan të dehur. fatmirësisht nga aksidentet nuk ka viktima.
Specialistët e Sektorit për Qarkullimin Rrugor pranë DVP-Korçë, bënë kapjen dhe arrestimin në flagrancë të shtetasit Ilir Hoxhallari, 40 vjeç, banues në Pogradec. Arrestimi i tij u bë pasi, ky shtetas dje në fshatin Leshnicë-Pogradec, duke drejtuar mjetin tip“Volvo”, me targë AA 459 GH, ka aksidentuar shtetasin G.O, 33 vjeç, banues në Leshnicë, i cili ndodhet në Spital, jashtë rrezikut për jetën. Drejtuesi i mjetit është larguar nga vendi i aksidentit dhe është kapur disa momente më vonë, nga shërbimet e Policisë..
Ndërkohë që po dje në pranga ka rënë edhe Aurel Janaq, 36 vjeç, banues në Korçë.
Arrestimi i tij u bë pasi, rreth orës 01:00, ky shtetas, në qytetin e Korçës, u kap duke drejtuar në gjendje të dehur, mjetin tip “Alfa Romeo”me targë AA 948 BH.
I arrestuari i tretë është Zermir Dallo, 27 vjeç, banues në fshatin Stropan-Devoll. Arrestimi i tij u bë pasi, në fshatin Miras, ky shtetas u kap duke drejtuar në gjendje të dehur, mjetin tip “Opel”, me targë AA 429 GP./a.m.
