Kryeministri Albin Kurti, në 25-vjetorin e ndërhyrjes së NATO-s, është shprehur mirënjohës ndaj liderëve botërorë dhe vendeve të përfshira në këtë ngjarje.
Në një reagim në “X”, kreu qeverisë së Kosovës e ka cilësuar ndërhyrjen e NATO-s një nga ndërhyrjet humanitare më të suksesshme në histori.
Ndër të tjera, Kurti shkruan se ajo ndërhyrje ndaloi tmerret e papërshkrueshme të gjenocidit.
“25 vjet më parë, NATO filloi fushatën e saj të bombardimeve ajrore, një nga ndërhyrjet humanitare më të suksesshme në histori, e cila ndaloi tmerret e papërshkrueshme të gjenocidit. Ne u jemi gjithmonë mirënjohës liderëve botërorë dhe vendeve të përfshira, të cilët përdorën politikën për të mbrojtur njerëzimin”, shkruan Albin Kurti.
