Kryeministri Edi Rama ftoi qytetarët e Kavajës të votojnë Elvis Rroshin në 21 qershor për dinjitetin e fituar të Kavajës.
Kreu i qeverisë zbuloi edhe memorialin “Demokracia” ndërtuar nga skulptori shqiptar Ilir Xhixha, i cli tha kryeministri Rama është ndërtuar në respekt të demokratëve, socialistëve e qytetarëve të ndershëm të këtij qyteti.
Kjo skulpturë, vijoi Kryeministri Rama, ndërtohet në respekt të atyre djemve e vajzave që Saliu u dha pishtarin e demokracisë, por i trajtoi si bishtuk e jo pishtarë. “Ishte zgjidhja e Rroshit që u ktheu dinjitetin pishtarëve të demokracisë”, deklaroi Rama.
Kryeministri ndër të tjera informoi se plazhi i Golemit shumë shpejt do të furnizohet me ujë 24 orë.” Kemi firmosur projektin që furnizon plazhin e Golemit me ujë. Nuk do të ketë metër tokë bujqësore të pa ujitur e kanal kullues të pahapur”, premtoi Rama.
Duke komentuar akuzat e opozitës për ndryshimin e emrit të kandidatit të ASHE-së për kryetar bashkie, Rama tha se ai si shumë djem e vajza në ’90 mori rrugën e mundimshme e të vështirë të emigrimit ku u përball me të gjitha pasojat e tij.
“Ishte 15 vjeç kur bashkë me shumë 15 vjeçare të rinj braktisën Kavajën kur u hapën kufinjtë e ikën qindra mijëra për të kërkuar në rrugën e vështirë plot mundime të emigrimit, një jetë më të mirë. Nuk ka asnjë mister në emrin e tij. Ashtu si mijëra të tjerë që në vitet ’90 trajtoheshin si mos me keq e dëboheshin si emigrantë të paligjshëm. Ajo që sot ka rëndesi është se është i nderuar për shkak të shërbimit të jashtëzakonshëm që i ka bërë qytetit të tij”, deklaroi Kryeministri Rama.
Në katër vite, tha Rama, Rroshi i ktheu Kavajës dritën ditën e natën dhe sot Kavaja është qyteti më mirë i ndriçuar në të gjithë vendin. Rroshi, vijoi Kryeministri e mori katër vite më parë Kavajën e braktisur nga e djathta dhe e transformoi atë në një realitet krejt tjetër, pavarësisht se deri në 23 qershor, Kavaja ishte e bllokuar dhe izoluar nga Saliu ashtu si shume bashki të fituara nga socialistët. “Në Kavajë nuk ka nevojë të flasësh shumë. Mjafton të kesh sytë në ballë për të kuptuar gjithçka për të mos pasur as më të voglin dyshim se nga është drejtimi i duhur”, deklaroi Rama.
Kandiati i ASHE-së për bashkinë e Kavajës, Evis Rroshi ndërsa renditi disa nga investimet e bëra në qytet tha se kemi ende punë për të ndërtuar Kavajën e madhe. “Kemi shumë projekte përpara. Sot Kavaja ofron shërbime me standarde europiane. Kam emigruar që në moshën 15 vjeçare dhe gjithçka e kam arritur me mund e punë”, theksoi ai ndër të tjera në përgjigje të akuzave të opozitës për ndryshimin e emrit.
Obelisku i demokracisë është vendosur në qendër të qytetit të Kavajës.
Obelisku i demokracisë është vendosur në qendër të qytetit të Kavajës. Ndryshe nga monumenti i vjetër, ai i vendosur sot është me ngjyrat kombëtare kuq e zi.
Obelisku është realizuar nga skulptori Ilirian Xhixha dhe sipas tij, simbolizon energjinë e të gjithë popullit që shpërthen pikërisht në zemër të Shqipërisë, në Kavajë.
Kjo energji sipas skulptorit Xhixha, lind nga toka dhe shpërthimi i saj drejt qiellit materializohet në formën dinamike dhe me ngjyrat e kombit, kuq e zi
