Policia greke ka dhënë detaje për të riun shqiptar që u gjet të dielën i vdekur në afërsi të Larisas. Sipas policisë, 21 vjeçari është vrarë me një plumb në kokë, i qëlluar nga një distancë shumë e afërt.
Më pas, vrasësit, i kanë vënë zjarrin trupit të pajetë, me qëllim që të humbin gjurmët.Viktima, 21 vjeçari Daniel Xhafa, punonte ne një tavernë në qytezën Agia, ku edhe banonte bashkë me prindërit dhe vëllain që prej shumë vitesh.
Komunikimi i fundit me familjen kishte qenë dy dite më parë, kur kishte telefonuar pas mesnate për t’iu thënë se do të bënte një xhiro, pas punës. Pasi kaluan shumë orë, familja njoftoi policinë dhe filluan kërkimet.
Trupi i pajetë i te riut u gjet prej një bariu që po kulloste, pranë një kishe. Dyshimet kryesore për autorin e vrasjes bien mbi një bashkatdhetar të viktimës, person i njohur, që vlerësohet se menjëherë pas aktit është larguar jashtë Greqisë, sipas të gjitha gjasave në Shqipëri.
