“Viti 2016 paska qenë i tmerrshëm”. Kështu tha Sir Roger Moore, aktori i njohur për rolin e Agjentit 007 James, për vdekjen e regjisorit Guy Hamilton.
93-vjeçari u nda nga jeta më 20 prill, ndërkohë që i fundit nga njerëzit e famshëm nga bota e artit e sportit që janë ndarë nga jeta këtë vit ishte Prince, vetëm 57 vjeç, pas një mbidoze droge.
Ende nuk janë mbyllur katër muaj nga ky vit dhe shumë nga ata që u kanë falur kënaqësi miliona njerëzve në botë nuk janë më.
Ndër ta janë David Bowie, këngëtari që vdiq në janar, 69 vjeç, pasi humbi betejën me kancerin, por edhe Colin Vearncombe i Black qe humbi jetën në aksident automoblisitik.
Nga e njëjta sëmundje dhe në të njëjtën moshë iku edhe aktori Alan Rickman, i cili u nda nga jeta në 10 janar në moshën 69 vjeçare.
Gjithashtu nuk janë më Glenn Frey, solist i Eagles, Keith Emrson i Emerson, Lake & Palmer.
Komediania e njohur Victoria Wood iku në moshën 62 vjeç, pas një beteje të shkurtër me kancerin, ashtu si legjendari i futbollit, Johan Cruyff.
Në katër muajt e këtij viti, janë 40 njerëz të ikur nga bota e spektaklit dhe sportit.
