Portali ZaLart njofton në një raportim të fundit, se deri tani pranë tij janë raportuar 200 raste shkeljesh në fushatën elektorale, nga qytetarë të ndryshëm. Abuzimet, sipas raportit, ndahen në 12 kategori të ndryshme shkeljesh, ku numrin më të madh e ze keqpërdorimi i administratës dhe sektorit publik. Tentativa për blerje votash është raportuar ndërkohë në 21 raste. Vend në raportime zenë edhe njoftimet për tensione dhe parregullsi, përfshirë prezenca apo ndërhyrja e policisë së shtetit.
Raporti thotë se sa i përket blerjes së votave, nuk vërehen raste të vërtetuara të blerjes kundrejt shumash konkrete. Por ZaLart shprehet se në bazë të eksperiencës, ky fenomen vihet re më së shumti në javën e fundit, para ditës së votës.
