Ata bëjnë plot 20 vjet “art mbi puante”. Gerd Vaso dhe Enada Hoxha, tashmë edhe çift në jetën jashtë skene, sjellin në skenën e Teatrit Kombëtar të Operas dhe Baletit produksionin e baletit “FEDRA”. Kjo vepër do të vijë për herë të parë në skenën shqiptare dhe ne do ta sjellim në bashkëpunim me kompaninë italiane “Balletto del Sud” një nga bashkëpunëtorët e aktivitetit tonë artistik.
Kjo vepër mbart dramën e thellë të mitit të njohur të Fedres dhe pasionit të saj të çmendur për djalin e tij Ippolito nga martesa e tij e parë me dean Artemidë (mbretëresha e Amazonës). Koreografi i njohur italian Fredy Franzuti është frymëzuar pikërisht nga këto personazhe mitologjike si Teseo, Euripidi, dhe Dea Aferdita për të përcjellë në skenë një version shumë interesant të Fedrës. Personazhet e veprës do të intereptohen nga Enada Hoxha, Gerd Vaso dhe balerini italian Francesco Rovea.
Një vepër e fuqishme e risjellë në kostumografinë dhe skenografinë e stilit të viteve 1900 ruan nga mitologjia dramën, karakterin e personazheve, konceptin e sjelljes në çift, pasionin, trasgresionin dhe çmendurinë që rrjedh nga fatet e paracaktuara nga të cilat personazhet nuk kanë rrugë shpëtimi.
