Këtë verë 2000 mijë vende për praktikë pune do të jenë të lira në administratën publike, për të gjithë të rinjtë shqiptarë, përfshi këtu edhe diasporën. Praktika e punës do të zgjasë 3 muaj dhe do të nisë nga muaji qershor për tu përmbyllur në gusht.
I pranishëm në prezantimin e këtij programi, Kryeministri Edi Rama tha se perceptimi se administrata publike është një rezervuar pune duhet lënë mënjanë. Rama theksoi se Shqipëria është në mes dy epokave, në njërën anë, kur administrata përdorej për vota dhe fushatë, dhe në anën tjetër, kur administrata shihet si baza e një shteti modern.
“Në historinë e një vendi ka gjëra që mund të bëhne më shpejt ka gjëra që mund të bëhen ngadalë, por pa asnjë dyshim bazën e sukesit të një shteti e sjell cilësia dhe qëndrueshmëria që ka administrata publike. Besoj se po hedhim bazat e qëndrueshme të një administrate europiane.Ligji që kemi miratuar ne është një ligj që ndan epokat në Shqipëri. Nga një epokë kur administrate ishte zgjatim i fushatës dhe reuzltateve elekorale, në një epokë ku administrata është përditë e më shumë e ndarë nga fatet e zgjedhjeve… do bëjmë çmos që të fashitet nga perceptimi i njerëzve si një zyrë punësimi. Ne e shohim atë si mekanizmin me të cilin krijohet edhe punësimi, pra për të rritur kapacitetin dhe cilësinë ndaj shërbimeve të qytetarit e shtetit dhe jo si një rifuxho për rrogat.”- tha Rama.
Kryeministri iu referua dhe mosbesimit që shumë qytetarë kanë në lidhje me konkurset për punë në administratën publike.
“Ashtu sic ne morëm përsipër që 200 më të mirëve, ju dha mundësia që të firmosin një kontratë pune 1 vjeçare. Kjo nuk është vetëm mundësia për të punuar një vit, por për tu bërë pjesë integrale e administratës publike. Atyre që nuk besojnë tek konkurset ju them vetëm kaq. Fakti se më shumë se 1/3 e konkurseve nuk nxjerrin fitues, tregon se ato nuk janë të manipuluara. Fakti se konkurset i fitojnë ata që kanë humbur një, dy tre madje 6 herë, tregon se ato fitohen pas një eksperience të posaçme.”- tha Rama.
Nga ana e tij Ministri i Mirëqënies Sociale Blendi Klosi, tha se “është detyrë e çdo të riu që jeton dhe punon jashtë vendit, për të kotribuuar në evropianizimin e administratave publike”. Ai solli në kujtesë edhe faktin se vitin e shkuar është bërë e njëjta gjë, janë thirrur për të marrë pjesë në praktikë të rinjtë, e më pas, në dhjetor, 200 prej tyre nënshkruan një kontratë punësimi 1-vjeçare.
