Policia e Vlorës ka finalizuar me sukses operacionin “REKRUTIMI”, duke vënë në pranga dy persona. Gjatë aksionit, policia ka arrestuar punonjësin e policisë Ushtarake në Vlorë, Deraldon kamberi, 24 vjeç, si dhe Erlind Varfin, 23 vjeç, duke sekuestruar vlera monetare, të cilat ishin qëllimi i të dy shtetasve.
Njoftimi i policisë:
Drejtoria Vendore e Policosë Vlorë në bashkëpunim me Njësinë Task Forcë të Prokurorisë Vlorë dhe Drejtorinë e Forcës së Posaçme në Drejtorinë e Përgjithshme të Policisë së Shtetit, si rezultat i një hetimi me metoda speciale , kanë bërë të mundur finalizimin me sukses të Operacionit Policor të koduar ”REKRUTIMI”, ku janë kapur dhe arrestuar në flagrancë shtetasit :
Deraldo Kamberi 23 vjeç, banues në Vlorë, me detyrë punonjës i Policisë Ushtarake në Vlorë.
Erlind Varfi, 23 vjeç, banues në Vlorë.
Të dy këta shtetas në bashkëpunim me njëri- tjetrin i kanë marr një shtetasi, një shumë vlerash monetare prej 2000 Euro me premtimin se do ta ndihmonin të punësohej në Strukturën e Forcave të Armatosura. Policia ka sekuestruar në cilësinë e provës materiale shumën e vlerave monetare prej 2000 Euro.
Materialet iu referuan Prokurorisë së Rrethit Gjyqësor Vlorë në ngarkim të shtetasve të lartpërmendur për veprën penale të “Korrupsionit pasiv i personave që ushtrojnë funksione publike, kryer në bashkepunim”, të parashikuar nga neni 259 e 25 të Kodit Penal. /b.d
