Teksa jemi 2 orë larg përfundimit të procesit të votimit, kreu i Komisionit Qendror të Zgjedhjeve, Ilirjan Celibashi ka dalë në konferencë për mediat këtë pasdite, 9 nëntor.
“Nuk rezulton të ketë problematika të mëdha, është raportuar vetëm për dy, një në Cërrik dhe një në Vlorë. Ajo e Cërrikut ka të bëjë me sjelljen e një vëzhguesi, gjithsesi jemi duke e verifikuar nëse ka qenë vëzhgues apo qytetar në qendrën e votimit.
Akoma nuk mund ta themi me siguri si qëndron e vërteta, ndërkohë në Vlorë ka pasur një diskutim mes kryetares së qendrës së votimit me operatorin lidhur me procedurat e identifikimit. Edhe këtë rast, KQZ po e verifikon se cila ka qenë sjellja e këtyre dy funksionarëve”, u shpreh Celibashi.
Theksoi se grupmosha mbi 65 vjeç vijon të ketë pjesëmarrjen më të lartë.
I pyetur se pse ka një lloj bojkoti nga ana e të rinjve në këtë proces zgjedhor, tha se “është trend global që grupmoshat 18-24 vjeç, nuk shkojnë të votojnë dhe se nuk ka lidhje me punën e KQZ-së”.
