Kryetari i Komisionit Evropian, Jean-Claude Juncker, ka paralajmëruar se Bashkimi Evropian është duke i bërë vetes dëm duke u “përzier” shumë në jetën e njerëzve. Ai ka thënë se ndërhyrjet e BE’së po e dobësojnë mbështetjen për bllokun 28-anëtarësh, raporton BBC. Ish-kryeministri i Luksemburgut ka thënë se BE’ja është përfshirë “në shumë domene ku shtetet anëtare… janë në pozita më të mira për të ndërmarrë veprime”.
Komentet e tij kanë ardhur në mes të një debati të nxehtë në Britaninë e Madhe për anëtarësinë e saj në BE. Votuesit do të marrin pjesë në një referendum për qëndrim apo largim nga BE’ja në qershor, ndërsa anketat e opinionit sugjerojnë për një garë shumë të ngushtë.
