Alma Hicka, avokate e Përgjithshme e Shtetit deklaroi se Gjykata e Strasburgut ka dhënë 101 vendime kundër Shqipërisë. E ftuar në emisionin “Natë me Xhaxhiun”, në ‘News 24’, Hicka pohoi se çështje që gjykon Strasburgu janë kryesisht çështjet e pronave, ndërsa tha se mbi tryezën e këtij institucioni të nivelit të lartë ka 403 dosje, nga të cilat 100 janë të gatshme për vendimmarrje.
“Nga 101 çështje që është dhënë vendim kundër Shqipërisë, 72 janë nxjerr jashtë shqyrtimit nga gjykata, vetëm 5 kanë qenë çështje pronash.”, bëri të ditur Hicka.
Nga ana tjetër, avokatja theksoi se shteti shqiptar kur bëhet ekzekutimi i vendimeve të Gjykatës së Strasburgut, fondin monetar për shpërblim e merr nga fondi i rezervës apo dhe nga ai i kontigjencës. “Sa i takon mënyrës se si gjykata e Strasburgut, nuk ka dhënë asnjëherë mënyrën se si e tregon shpërblimin e drejt. Gjykatës me anë të shpërblimit të drejt, nuk gjykon çështjen, por që shtetet ta adresojnë në mënyrë të caktuar brenda standardeve ndërkombëtare shkeljen e të drejtave të njeriut. Në këtë kuptim i ka lënë vetës diskrecion për mënyrën e drejtë të dëmshpërblimit.”, tha Hicka. Sakaq, avokatja vuri theksin tek ligji i ri i pronave, i cili sipas saj është më i favorshmi për ish-pronarët.
“Ligji i ri i pronave është krijuar për të zgjidhur problematikat në nivel vendas, pro dhe për ta zgjidhur atë në gjykatën e Strasburgut. Ligji i ri është konsultuar dhe ka ndjekur parimet sa i takon të drejtës për tu kompensuar apo riparuar ish-pronarëve për dëmet që u janë bërë. Strasburgu ka një praktikë të gjerë. Ajo është konsoliduar në këtë drejtim dhe i ka bazuar parimet. Ligji i ri i pronave, ka qenë i pranuar nga pronarët, që ka qenë më i favorshmi që është miratuar ndonjëherë nga ndonjë qeveri. Ajo që kontestohet nga pronarët janë vetëm 2 pika të ligjit. Ata kontestojnë vetëm të drejtën për kthim dhe masën e kompensimit.”, pohoi avokatja e Shtetit.
BW
