“15 vjet burg kush thyen karantinën”, zbardhen emrat e 4 deputetëve që dolën kundër ndryshimeve të Kodit Penal

Të enjten më 16 prill do të mblidhet seanca plenare për të diskutuar ndryshimet në Kodin Penal të propozuara nga qeveria për situatën e COVID-19.

Kryetarja e grupit parlamentar demokrat, Rudina Hajdarin, me Ralf Gjonin nga grupi i deputetëve të ardhur nga LSI, me Andi Përmetin nga grupi i deputetëve të pavarur dhe Alban Zeneli, deputet i ardhur nga listat e PD kanë dalë kundër shkruan “Abc News”.

Të katërt ata janë shprehur kundër masave të reja shtrënguese, kryesisht për ndryshimet në Kodin Penal ku parashikohet burgim deri në 15 vite, për ata që mund të thyejnë karantinën dhe të shkaktojnë infektimin e personave të tjerë.

Për këtë arsye deputetët e opozitës, nuk bien dakord me këtë lloj ndryshimi, duke thënë se do të jetë i pazbatueshëm një ndryshim i tillë. Ata kanë apeluar se këto ndryshime mund të sjellin pasoja të tjera. /e.s/