Edhe pse stina e pranverës nuk ka shpërthyer ende de fakto, pavarësisht festimit të “Ditës së Verës”, një gjë e tillë nuk vlen për deputetet e Parlamentit shqiptar, të cilët kanë lënë palltot e trasha dimërore dhe kanë shpalosur kostumët e lehtë të stinës së çeljes së luleve.
Spikaste sot eleganca e deputeve të Ps Blerina Gjylameti dhe Evis Kushi teksa parakalonin për të hyrë në sallë.
Gjithashtu bie në sy stili i veçantë i Monika Kryemadhit me fundin e saj të ngjashëm me kiltet e skocezëve dhe me xhupin e ngushtë prej lëkure, të dekoruar me lule.
Krah saj ndodhet ministrja e Inovacionit Milena Harito.
Bie në sy një detaj i veçantë në çantën e saj.
Nuk dihet nëse është modë apo e bërë enkas, por ajo e ka mbuluar me një mbajtëse, çantën e saj luksoze lëkure të markës Atlasse, e cila mund të shkodë deri në mbi 2 mijë euro.
Ndoshta ministrja nuk ka dashur të bjerë në sy.
Ndërkohë që me ngjyra thuajse verore është shfaqur Nard Ndoka, me veshjen e tij blu me të bardhë…
Mapo
