Greqia ka shënuar 117 raste të infektuar me koronavirus. Nga 117 raste, 107 janë të lidhura me raste të tjera, dhjetë të tjera mbeten ‘jetimë’ për shkak se origjina e transmetimit të virusit është e panjohur, ndërsa 15 të tjera janë ende nën hetim.
Media greke raportojnë se 82 raste e kanë importuar virusin nga vendet e prekura dhe 25 të tjera janë kontaktet e tyre.
Nga 117 rastet, 37 persona janë shtruar në spital, tre prej tyre në njësi të kujdesit intensiv.
Por qeverisa vendase ka ndërmarr masa të forta pasi u shënua edhe viktima e parë nga koronavirusi, e numri i të infektuarëve është gjithmonë e në rritje.
Për këtë shkak sëfundmi qeveria greke nisur të zbatojë planin e saj Artemis për të menaxhuar situatën e koronavirusit, që prej ditës së sotme.
Ky plan i ri dhe menaxhimi i situatës emergjente po koordinohe nga Sekretariati i Përgjithshëm për Mbrojtjen Civile.
Ndër masat e marra përfshihet mbyllja e teatrove për një periudhë dyjavore, gjithashtu edhe gjykatat, kinematë, palestrat, terrenet sportive dhe klubet nuk do të zhvillojnë aktivitetin e tyre për 14 ditët e ardhshme në përpjekje të shmangies së virusit.
I gjithë mekanizmi i menaxhimit të krizave do të drejtohet nga “GADA”, Selia e Policisë së Attika, Zjarrfikësit dhe Policisë greke ELAS.
Është një grup prej 150 oficerësh të stërvitur e të trajnuar nga GADA, të cilët do të gjurmojnë dhe identifikojnë njerëzit që kanë pasur kontakt me personat e infektuar.
Menjëherë pas identifikimit këta persona do të merren dhe do të futen në karantinë.
Ndërkohë është thënë se nëse rastet e reja të personanve të infektuar do të kenë një shtrirje më të gjerë gjeografike, Sekretari i Përgjithshëm do të japë urdhër për ngritjen e spitaleve në natyrë, zona në të cilat pacientët tejkalojnë kapacitetet e kujdesit intensiv.
Profesori i Sëmundjeve Infektive Sotiris Tsiodras vuri në dukje se pacientët me simptoma të buta nuk duhet të shkojnë në spitale sepse mund të përhapin virusin, por edhe të marrin gripin.
Deri më tani ka 90 të vdekur nga gripi i cili është një vrasës kryesor duke vrarë 400-600 mijë njerëz në të gjithë botën. Masa më efektive parandaluese për koronavirusin është vetëizolimi në shtëpi.
Ai gjithashtu tha se koronavirusi njerëzit me imunitet të dobët, siç janë të moshuarit apo të sëmurët kronikë me probleme kardiovaskulare dhe të frymëmarrjes, si dhe ata me diabet.
g.kosovari
