Forcat ukrainase rrëzuan pesë avionë ushtarakë rusë gjatë natës, tha këshilltari presidencial i vendit. Ata thanë se forcat ruse po përpiqen të rrethojnë kryeqytetin Kiev dhe qytetin e Kharkiv.
Mëngjesin e sotëm ushtria ruse sulmoi me raketa zonën e banuar të qytetit Kharkiv, ku mbetën të vrarë 9 persona, midis tyre dhe 3 fëmijë. Zelensky ka përshkruar bombardimin e Kharkivit si krime lufte.
Por pas sulmit rus të fuqishëm mëngjesin e sotëm në Kharkiv të Ukrainës ka reaguar edhe ushtria ukrainase e cila ka zënë rob disa prej ushtarëve rusë.
Në një video që qarkullon në Telegram nga raportimet në terren të luftës midis Rusisë dhe Ukrainës, shihen ushtarët rusë që parakalojnë të zënë rob nga ushtria ukraniase. “Armiku vazhdon të dorëzohet. Një grup tjetër i ushtarëve rusë të kapur. Diku afër Kharkovit”, shkruhet në raportimin krah videos që qarkullon në Telegram.
g.kosovari
