Kasti i serialit të njohur ‘Friends’ (Miqtë) pritet të ribashkohet për një speciale prej dy orësh. Kështu bëri të ditur transmetuesi NBC. Aktorët që luajnë rolet e Rejçëll, Monika, Fibi, Xhoi, Çendler dhe Ros kanë nënshkruar një kontratë për rikthimin në një seri të veçantë, dedikuar regjisorit James Burrows.
Megjithatë mendohet se jo të gjithë aktorët do jenë së bashku në apartamentin e famshëm.
“Shpresoj të jenë të gjashtë në të njëjtën dhomë njëkohësisht. Por nuk e di sa e mundur do jetë kjo,” tha një drejtues i NBC.
Fansat kanë pritur prej më shumë se një dekade të shohin bashkë aktorët Aniston, Courteney Cox, Lisa Kudrow, Matt LeBlanc, Matthew Perry dhe David Schwimmer, raporton Ora info. Edicioni special transmetohet më 21 shkurt.
