Policia belge ka arrestuar gjashtë persona në Bruksel, të cilët kishin planifikuar që të kryenin sulme terroriste natën e ndërrimit të viteve.
Ndërkohë, në të gjithë botën, qytetet kryesore kanë marrë masa të forta për të shmangur ndonjë sulm terrorist të mundshëm. Policia belge arrestoi gjashtë personat e dyshuar gjatë operacioneve policore antiterror në disa zona të Brukselit ditën e sotme. Ndërsa dy persona u arrestuan në fillim të kësaj jave. Autoritetet belge kanë njoftuar se nuk do të ketë feste me fishekzjarrë në qendër të Brukselin mbrëmjen e sotme, për shmangur sulmet terroriste.
Dy nga personat e arrestuar në fillim të kësaj jave janë Said Souti dhe Mohamed Karay, të dy shtetas belgë, të cilët janë lënë në burg.
Ata janë pjesëtarë të një klubi motoristësh të quajtur “Kamikaze Riders”. Disa prej tyre kanë lidhje me xhihadistë të të ashtuquajturit “Shtet Islamik” dhe kanë udhëtuar për në Siri vitet e fundit. Nuk dihet ende nëse gjashtë personat e arrestuar sot kanë lidhje me grupin “Kamikaze Riders”.
Policia ka sekuestruar gjithashtu sendet personale, kompjuterë, aparate celulare dhe si edhe materiale që mund të shërbenin për krijimin e dronëve artizanalë. Panorama.al
