Një 20-vjeçar shqiptar është vrarë me thikë në Itali. Një ditë më parë Oltjon Nela është goditur për vdekje nga një tjetër shqiptar, ndërsa nga plagët e marra ka ndërruar jetë në spitalin e qytetit të Ternit, në Peruxhia.
Sipas policisë italiane Mariel Mjeshtri goditi me thikë 20-vjeçarin, pas një grindjeje në ambientet e një lokali. Oltjon Nela i kishte bërë komplimente një vajze që po kërcente, e cila mesa duket kishte edhe pëlqimin e Mjeshtrit.
Grindja mes dy të rinjve ka vazhduar edhe jashtë lokalit, ku shqiptari Mariel Mjeshtri e ka goditur Oltjon Nelën me thikë në gjoks. Kanë qenë kalimtarët e rastit të cilët kanë lajmëruar policinë. Oltjon Nela jetonte në Itali që nga mosha 13 vjeç bashkë me familjen.
Ndërkohë policia italiane ka arrestuar shqiptarin Mariel Mjeshtri dhe 3 shokët e tij italianë, nën akuzën e vrasjes.
