Mesazheve ngushëlluese për jetët e humbura nga zjarri në spitalin Covid në Tetovë i është bashkuar edhe kryetari i bashkisë së Tiranës, Erion Veliaj.
Përmes një mesazhi në rrjetet sociale, Veliaj u uron shërim të shpejtë të plagosurve dhe shpreh mbështetjen për ekipet e emergjencave.
“Ngushëllimet më të ndjera nga Tirana qytetarëve të Tetovës për jetët e prekura nga shpërthimi i zjarrit në spitalin modular.
Shërim të shpejtë të plagosurve, kurajo ekipeve të emergjencave dhe kolegëve tanë Teuta Arifi, Artan Grubi, Ali Ahmeti dhe autoriteteve të Maqedonisë së Veriut”, shkruan Veliaj.
Edhe Ministrja e Jashtme, Olta Xhaçka ka shprehur ngushëllime për familjarët e viktimave që humbën jetën tragjikisht në “shpërthimin” e zjarrit në spitalin COVID në Tetovë.
Një ngushëllim ka shprehur edhe për të gjithë komunitetin shqiptar duke thënë se dhimbja e tyre është edhe e jona dhe anasjelltas.
“Dhimbja juaj është dhimbja jonë, tragjedia juaj është tragjedia jonë.”, shkruan Xhaçka.
Deri tani nga zjarri raportohet se kane humbur jetën 10 persona, ndërsa numri i viktimave mund te rritet.
g.kosovari
