Policia Kufitare e Kakavijës në bashkëpunim me Drejtorinë e Policisë Gjirokastër kanë ndaluar një rast trafikimi ndërkombëtarë të lëndës narkotike, duke arrestuar një person.
Siç bëjnë me dije burime nga policia e qytetit jugor të vendit, mëngjesin e së enjtes në pikën e kalimit kufitar Kakavijë, është paraqitur për të udhëtuar drejt Greqisë shtetasi Angjelo Hamiti 24 vjeç nga Saranda, me automjetin tip Benz targa AA811DS.
Nga kontrolli i ushtruar nga ana e Policisë Kufitare Kakavijë në vijën e dytë rezultoi se, në tranversat anësore të sediljeve dhe të dyereve ishin të fshehura 20 pako kanabis sativa me peshë totale 10 kg mariuane. Në vend ka mbërritur grupi hetimor dhe specialistët e antidrogës të Drejtorisë së Policisë së Qarkut Gjirokastër, ku po vijojnë veprimet. Në përfundim të veprimeve të para hetimore materialet do t’i kalojnë Prokurorisë së Krimeve të Rënda Tiranë për veprën penale ” Trafik ndërkombëtar të lëndëve narkotike”.
