Për herë të parë në Shqipëri, në biletën për të ndjekur një ndeshje futbolli do të ketë elementë të personalizuar, duke filluar që nga emri i shkruar.
Siç shihet qartë edhe nga fotoja më lart, është shkruar emri dhe mbiemri i atij që posedon biletën dhe përpara hyrjes në stadium, personi duhet të tregojë edhe kartën e identitetit ose pasaportën, në mënyrë që të korrespondojnë. Nëse personi nuk korrespondon i njëjtë, atëherë ai nuk do të lejohet të futet në stadium, tranmeton “Telesport.al”.
Për herë të parë kjo po aplikohet për ndeshjen Shqipëri-Portugali, që do të luhet më 7 shtator, në orën 20:45, në stadiumin “Elbasan Arena”.
‘Sot’ shkruan se bileta përmban edhe elementë të tjerë sigurie dhe nuk është falsifikueshme lehtë. Disa detaje sigurie nuk janë bërë publike, me qëllim që të shmangin falsifikatorët.
