10 gabimet që bëjmë me larjen e dhëmbëve dhe si t’i përmirësojmë
Pranojeni, të lani dhëmbët është diçka e dorës së dytë që me zor ju vjen në mend. Por nëse e bëni rregullisht është pjesë e rëndësishme e shëndetit oral dhe mund t’ju brush-the-teethndihmojë të shmangni dëmtime e dhëmbëve dhe sëmundjen e mishrave të dhëmbëve. Përmirësoni aftësitë tuaja në larjen e dhëmbëve nëpërmjet këtyre këshillave
Zgjidhni mjetet e duhura
A keni zgjedhur furçën e duhur të dhëmbëve? “Merrni parasysh madhësinë e gojës suaj”, thotë këshilltari dentar Richard Price. “Nëse ju duhet të hapni gojën shumë, do të thotë se furça juaj e dhëmbëve është shumë e madhe”, thotë ai. Duhet të ndjeheni mirë me furçën në gojën tuaj ashtu dhe kur e mbani në dorë, sepse do t’ju duhet ta përdorni shpesh. Fijet e furçës nuk duhet të jenë shumë të ashpra sepse ju dëmtojnë mishrat e dhëmbëve. Ndërsa përsa i përket përdorimit të furçave manual apo elektrike, kjo është një preferencë individuale. Furçat elektrike mund t’jua lehtësojnë punën, veçanërisht nëse vuani nga artriti dhe ju dridhen duart.
Jepini kohën e duhur larjes së dhëmbëve
A po i lani dhëmbët mjaftueshëm? Dy herë në ditë është e rekomandueshme, ndërsa tre herë në ditë është më e mira, thotë dr. Sesemann, nga Shoqata Amerikane Dentare.
Ju duhet t’i lani dhëmbët për të paktën dy minuta. “Shumica e njerëzve i lajnë në pak sekonda,” thotë doktori duke na sugjeruar që ta ndajmë gojën në 4 sektorë, ku të shpenzojmë nga 30 sekonda për secilin. Disa furça elektrike kanë të pajisur minutat në to. Për ta bërë kohën të kalojë më shpejt, Seseman thotë se gjatë kohës që lan dhëmbët sheh televizor. Por gjithashtu nuk duhet ta tejkalojmë kohën e nevojshme sepse fërkimi i shumtë me furçë bën keq për mishrat e dhëmbëve.
Nuk duhet ta teprojmë
T’i lajmë më shumë se tre herë në ditë nuk do të ishte diçka ideale për shëndetin e dhëmbëve, thotë Sesemann. Kjo për arsye se larja e shpeshtë mund të prishë smaltin e dhëmbëve dhe dëmton mishrat. “Gjithashtu nuk duhet t’i lajmë me forcë,” thotë ai. Ndërsa me furçën elektrike, e lëmë atë të bëjë punën e vet, ne vetëm e përshkojmë nëpër dhëmbë. Duhet të tregohemi xhentilë me dhëmbët.
Duhet të perfeksionojmë teknikën tonë
A po lani dhëmbët në mënyrën e duhur? Edhe pozicioni i furçës ka teknikën e vet, atë duhet ta mbajmë në një kënd 45 gradë me mishrat e dhëmbëve dhe të bëjmë lëvizje lart-poshtë. Duhen larë sipërfaqet e brendshme dhe të jashtme të dhëmbëve dhe gjuha. Mos neglizhoni zonat e vështira për t’u arritur sepse mbledhin shumë ushqim.
Ndryshoni radhën e vendit
A filloni gjithmonë larjen në të njëjtin vend? Dentistët thonë se shumica jonë ashtu bëjnë. “E mira është ta ndryshojmë vendin e fillimit herë pas here sepse kjo na ndihmon të jemi më pak dembelë,” thotë dr. Sesemann. Mbajeni mendjen aty kur lani dhëmbët, jini të kujdesshëm që të mos harroni sipërfaqe pa larë.
Zgjidhni produktet me kujdes
Edhe lloji i pastës së dhëmbëve ka rëndësi. Është e mira të zgjedhim pastat e dhëmbëve që kanë si qëllim kryesor zbardhjen e dhëmbëve dhe të shmangim ato me përmbajtje fluori.
Shmangni pijet me sheqer
Pijet energjike apo pijet freskuese që përmbajnë shumë sheqer, qoftë dhe lëngjet e mollës, portokallit apo dhe kafja përmbajnë acid që mund të dëmtojnë smaltin e dhëmbëve, thotë Sesemann. Edhe kur hamë ëmbëlsira këshillohet që dhëmbët të lahen pas gjysmë ore.
Mbajeni furçën të pastër
A e shpëlani gjithmonë furçën tuaj? Nëse jo, atëherë duhet ta bëni këtë gjë. Mbetjet e gojës suaj dhe të dhëmbëve mbeten në furçë, dhe nëse nuk i pastroni ato do të përforcojnë e bëjnë më të ashpra fijet e furçës. Në asnjë mënyrë nuk duhet të përdorni dezifektant për të pastruar furçën. Por lajeni mirë atë dhe lëreni të thahet. Mos e lini në kuti ku të qëndrojë e lagur për një kohë të gjatë.
Vendosini furçat në një vend të pastër
Shumica e personave i lënë furçat e dhëmbëve në banjo, ku sigurisht që nuk është vendi më i pastër i shtëpisë. Të paktën futeni në një sirtar apo dollap ku mos të bjerë në kontakt me mikrobet e banjos apo lavamanit tuaj. Mos lini që furçat të prekin njëra-tjetrën nëse janë të vendosura ngjitur.
Ndërrojeni furçën vazhdimisht
A është furça juaj shumë e vjetër? Sipas Shoqatës Amerikane Dentare, duhet ta ndërroni furçën çdo 3-4 muaj. Nëse e shikoni që fijet e furçës suaj e kanë humbur fleksibilitetin, atëherë duhet ta ndërroni atë, thotë dr. Price. Edhe furçat e thyera nuk do t’ju ndihmojnë të bëni një larje cilësore të dhëmbëve tuaj. Nëse nuk dini çfarë lloj furçe të blini, konsultohuni me dentistin.
