Ja 10 arsyet pse duhet të kemi një kafshë shoqërimi :
- Kafshët stimulojnë dhë inkurajojnë të gjithë muskujt e trupit për t’u stërvitur. Me to mund të bëni fiskulturë , gjimnastikë.
- Kafshët na detyrojnë që të mos mërzitemi më shumë se ç’duhet. Ndonjëherë situatat janë aq të thjeshta. Jemi ne që i bëjmë ato më të vështira. Është e vërtetuar shkencërisht që shoqëruesi juaj do të nxisë buzëqeshje.
- Kafshët e shoqërimit promovojnë ndërveprim shoqëror. Vajzat i pëlqejnë shumë djemtë që dalin në pakr me qentë e tyre. Do të keni gjithnjë mundësi të takoni një vajzë simpatike. Edhe për djemtë, vajzat që shëtisin qenin e tyre.
- Kafshët inkurajojnë bashkëveprimin social, (e përmendëm një pikë më lart) i cili nxit një memorie të mirë dhe inkurajon komunikimin.
- Kafshët janë një ndihmë e madhe. Ato janë një ndër mënyrat më të mira për të luftuar stresin dhe vetminë. Një kafshë të jep gjithnjë një qëllim. Nëse i kushtoni vëmendje një qeni, ju jeni më pak të prirur që të vuani pasojat e vetmisë.
- Kafshët nuk gjykojnë , dhe e duan të zotin e tyre pa ndonjë interes të caktuar. Dashuria e tyre nuk është e shtirur, asnjëherë. Ato do t’ju duan njësoj, pa e vrarë mendjen aspak për pamjen tuaj të jashtme. Firmato apo jo, ato ju duan.
- Është e vërtetuar shkencërisht se fëmijët që rriten me një kafshë shoqërimi në shtëpi kanë më shumë ndjeshmëri se sa ata që nuk kanë jetuar në harmoni me një kafshë. Kjo mendohet se vjen pasi fëmijët shpesh i trajtojnë kafshët si moshatarët e tyre dhe i kuptojnë ato më mirë se të rriturit. Ata mësojnë të lexojnë “shenjat e trupit” dhe ndryshe nga të rriturit, kafshët nuk shtiren apo nuk luajnë lojrat psikologjike. Kur fëmijët rriten, ata mësojnë që t’i kuptojnë më mirë shokët apo kolegët e punës duke lexuar “gjuhën e trupit”.
- Kafshët ndihmojnë që ju të keni një presion normal të gjakut. Studimet kanë gjetur se të paturit një kafshë shoqërimi ul presionin e gjakut dhe triglycerideve.
- Kafshët kanë rëndësi të madhe në jetën e disa personave. Një i verbër mund të ndihmohet nga qeni i tij çdo ditë. Në botë këta qenë janë shumë të përdorur. Dhe për më tepër nuk kërkojnë para për shërbimin e kryer dhe gjithmonë i ke pranë. Për shumë persona qeni është drita e syve. Mos harrojmë qentë e shpëtimit të përdorur në katastrofa të ndryshme nga zjarrfikësit. Qentë e policisë parandalojnë disa lloje krimesh gjithashtu.
- Kafshët përdoren kudo: në spitale, burgje, qendra rehabilitimi, qendra të zhvillimit mendor etj. Në një klinikë doktori apo një klinikë dentare moderne, në dhomën e pritjes të klientëve, ju do të shihni ndonjë akuarium me peshq shumëngjyrësh dhe të vegjël. Duke qenë në praninë e një kafshë, qoftë edhe duke pare një peshk që noton në akuarium është shumë qetësuese, edhe fëmijët hiperaktive qetësohen nga kjo. Studimet kanë treguar se në shumë njerëz kjo zvogëlon presionin e gjakut dhe punën e zemrës.
Është detyrë e secilit nga ne që të tregojmë mirënjohjen për gjithçka që kafshët e shoqërimit kanë bërë dhe bëjnë për ne.
